Terms & Conditions

Terms & Conditions

1. Introduction

Al Ameera Jewels ki website istemal karne ke liye aap in sharait ke paband hain. Hamari website se shopping karne ka matlab hai ke aap ne hamari di gayi tamam policies ko parh liya hai aur aap unse ittefaq karte hain.

2. Product Accuracy (Tasaveer aur Haqaiq)

Hum puri koshish karte hain ke website par dikhayi gayi jewellery ki tasaveer aur rang asliyat ke mutabiq hon. Taham, screen ki settings aur photography ki lighting ki wajah se rangon mein thora sa farq aa sakta hai. Tamam products ki tafseelat (material, size, weight) description mein di jati hain.

3. Pricing & Payments (Keemat aur Adaigi)

  • Tamam products ki keemat Pakistani Rupiyo (PKR) mein hai.

  • Al Ameera Jewels ko ye haq hasil hai ke wo kisi bhi waqt bina kisi ittela ke keematon mein tabdeeli kar sake.

  • Hum Cash on Delivery (COD) aur bank transfer/digital payments qubool karte hain.

4. Order Confirmation (Order ki Tasdeeq)

Order place karne ke baad hamari team aap se phone ya WhatsApp par raabta karke order ki tasdeeq (confirmation) karegi. Jab tak tasdeeq nahi ho jati, order finalize nahi samjha jaye ga. Hum kisi bhi wajah se (stock khatam hone ya technical masle ki bina par) order cancel karne ka haq rakhte hain.

5. Shipping & Delivery

  • Hum poore Pakistan mein delivery karte hain.

  • Aam taur par order 3 se 7 working days mein deliver ho jata hai.

  • Delivery ke oqaat courier company ke mutabiq hote hain, jis mein kisi takheer (delay) ki surat mein hum zimadar nahi honge lekin aapki poori madad karenge.

6. Intellectual Property (Brand ke Huqooq)

Is website par majood tamam content (Logos, Photos, Graphics, aur Text) Al Ameera Jewels ki malkiyat hai. Iska bighair ijazat istemal ya copy karna sakht mana hai aur legal action liya ja sakta hai.

7. Privacy Policy

Aapka diya gaya data (Naam, Number, Address) sirf order delivery ke liye istemal kiya jayega. Hum aapki privacy ka mukammal ehtaram karte hain aur aapka data kisi teesray fariq (third party) ko farokht nahi karte.

8. Changes to Terms

Al Ameera Jewels kisi bhi waqt in sharait mein tabdeeli karne ka haq rakhta hai. Website istemal karte waqt naye rules hi lagu honge.